Зориулалтын угаалгын шингэн хэрэглэж 18-20*С-ийн бүлээн усанд сайтар уусгана. Угаах хувцсаа угаалгын шингэнтэй усандаа хийж 10-20 минут дэвтээж амраана.

Дэвтээсэн хувцсаа зөөлөн базаж угаах ба амрааж угаах үйлдлийг хоёр удаа давтаж хийнэ. Угаасан хувцсаа цэвэр усанд сайтар зайлж, зөөлөн базаж усыг шүүнэ.

Базаж гаргасан хувцсаа хавтгай талбай дээр хэлбэржүүлэн тавьж хатаана.

Хатсан хувцсаа дунд зэргийн хэмтэй индүүгээр бүтээгдэхүүнээс 0.5-1 см зайтай уураар индүүднэ.

Индүүдсэний дараа хувцасны бөөгнөрлийг түүж цэвэрлэнэ.

Цэвэрлэсэн хувцсаа зааврын дагуу эвхэж, зориулалтын уутанд хадгална.